Алматы қаласындағы ҚАЖК-нің № 11, 13 және 72 республикалық мемлекеттік мекемелерінде мекеме қызметкерлеріне арналған базалық жүрек-өкпе реанимациясы (BLS) бойынша оқыту тренингі өткізілді. Іс-шара медициналық қызметтер келгенге дейін төтенше жағдайларда алғашқы көмек көрсетуге персоналдың дайындық деңгейін арттыруға бағытталды. Тренинг барысында қатысушылар BLS бойынша заманауи алгоритмдермен танысып, кенеттен қан айналымының тоқтауы және есінен тану жағдайларында әрекет ету бойынша практикалық дағдыларын пысықтады. Оқытуды № 3 қосалқы станциясының фельдшері Тұрсынбек Нұрәділ Жомартұлы жүргізіп, жоғары кәсіби деңгейін, сабақтың нақты ұйымдастырылуын және практикалық материалдың сапалы жеткізілуін көрсетті. Тренинг іскерлік әрі конструктивті жағдайда өтті.