Алматы қаласы Жедел жәрдем қызметінің командасы Асқар Жакулин атындағы қайырымдылық қоры дәстүрлі түрде ұйымдастыратын жыл сайынғы қайырымдылық шағын футбол турниріне қатысты. Іс-шараның негізгі мақсаты әлеуметтік маңызды жобаларды қолдау, қоғамда қайырымдылық мәдениетін дамыту және салауатты өмір салтын насихаттау. Жарысқа медициналық ұйымдар, мемлекеттік құрылымдар мен түрлі мекемелердің командалары қатысып, өзара достық қарым-қатынасты нығайтып, спорт арқылы қоғам игілігіне үлес қосты. Жедел жәрдем қызметі командасының қатысуы ұжымдағы командалық рухты арттырумен қатар, қызметкерлердің өскелең ұрпаққа үлгі болуға деген ұмтылысының көрінісі. Турнир барысында команда белсенділік танытып, әділ әрі жоғары спорттық мәдениетпен ойын көрсетті. Алматы қаласы Жедел жәрдем қызметі ұжымы Асқар Жакулин атындағы қорға қоғамға пайдалы бастамалары үшін алғыс білдіреді және алдағы уақытта да осындай әлеуметтік жобаларға атсалысуға дайын екенін атап өтті.