2023 жылдың 9-13 қазан аралығында, Алматы қаласының "Медициналық жедел жәрдем қызметі" директоры Тойбеков Арман Серікбайұлының басшылығымен ағымдағы жылдың 9 айында МЖЖҚ 12 қосалқы станция мен бөлімше қызметінің қорытындысы бойынша көшпелі есептік кездесулер өткізілді.
Кездесулерде есепті кезеңде атқарылған жұмыстардың қорытындысы бойынша 12 қосалқы станция меңгерушілері, Ақпараттық - жедел диспетчерлік бөлім меңгерушісі Е. Н. Қожабеков, директордың медициналық бөлім (Батыс) орынбасарлары Ш.Ш. Бадиров пен (Шығыс) А.А. Ложкин және Әкімшілік-басқару персоналы бойынша қорытынды есеппен директордың Стратегиялық даму жөніндегі орынбасары П. А. Бурда баяндама жасады. Есепті кезеңде атқарылған жұмыстарды қорытындылай отырып, жеткен жетістіктер, өзекті мәселелер мен олардың шешу жолдары, сондай-ақ 2024 жылға жоспарланған іс-шаралар талқыланды.
Өз кезегінде МЖЖҚ қызметкерлері әкімшіліктен және бөлімше басшыларынан туындаған барлық сұрақтарға жауап алды.
